သီဟိုဠ်ကျွန်းက မွတ်စလင်တို့ရဲ့ အခြေအနေ – အပိုင်း (၁)

 

The Map of Sri Lanka

 

သီရိလင်္ကာနိုင်ငံ (Sri Lanka) သည် တောင်အာရှဒေသ အိန္ဓိယတိုက်ငယ် (Indian subcontinent) ၏ တောင်ဘက်ကမ်းရိုးတမ်း အိန္ဓိယသမုဒ္ဒယာ၏ မြောက်ဘက်တွင် တည်ရှိသော ကျွန်းနိုင်ငံတစ်ခုဖြစ်သည်။

 

မြန်မာအခေါ် သီဟိုဠ်ကျွန်းဟု ထင်ရှားပြီး ၁၉၇၂ ခုနှစ်ထိတိုင် စေလုံ (Ceylon) ဟု ခေါ်ဝေါ်သုံးစွဲခဲ့ပြီး တောင်ဘက်တွင်မူ မော်လဒိုက်ကျွန်းစုများနိုင်ငံ (the Maldives) တည်ရှိသည်။

 

 

လူမျိုးများ

 

လူဦးရေ သန်းပေါင်း ၂၀ ကျော်ရှိပြီး ပြည်နည် ၉ ခု ရှိကာ ခရိုင် ၂၅ ခု ထပ်မံ ခွဲခြားထားသည်။

 

နိုင်ငံ၏ လူအများစုမှာ စင်ဟာလီ (Sinhalese) လူမျိုးဖြစ်ပြီး ထေရဝါဒ ဗုဒ္ဓဘာသာ (Theravada Buddhism) ဝင်များ ဖြစ်ကြသည်။ လူနည်းစုများအနက် တမီလ် (Tamils) လူမျိုးမှာ အများဆုံးဖြစ်၍ နိုင်ငံ၏ မြောက်ပိုင်းနှင့် အရှေ့ပိုင်းဒေသများတွင် နေထိုင်ကြသည်။

 

တိုင်းရင်းသား ဝေဒ (aboriginal Vedda) လူမျိုးအပါအဝင် မိုအာ (Moors)၊ ဘူဃာ (Burghers)၊ ကာဖီ (Kaffirs)၊ မလေး (Malays) စသော လူနည်းစုများလည်းရှိသည်။

 

စင်ဟာလီ လူမျိုး ၇၄ ရာခိုင်နှုန်းခန့်၊ တမီလ် လူမျိုး ၁၂ ရာခိုင်နှုန်းကျော်နှင့် မူအာလူမျိုး ၇ ရာခိုင်နှုန်းကျော်ရှိသည်။

 

ထင်ရှား မြို့တော်

 

သစ်ကြပိုးခေါက်

ရီပါဘလစ် သမ္မတနိုင်ငံဖြစ်၍ လက်ဖက်ရည်၊ ကော်ဖီ၊ အုန်းသီး၊ ရာဘာ တင်ပို့လုပ်ငန်းများဖြင့် ထင်ရှားကျော်ကြားပြီး သစ်ကြပိုးခေါက်မှာမူ သီရိလင်္ကာနိုင်ငံ၏ မူရင်းထွက်ရှိရာဖြစ်သည်။

 

နိုင်ငံ၏ မြို့တော်မှာ ‘သီရိဂျာရ ဝါဒီနပူရ ကော့တီ’ (Sri Jayawardenapura-Kotte) ဖြစ်ပြီး ကိုလံဘိုမြို့ (Colombo) မှာ အကြီးဆုံးနှင့် အထင်ရှားဆုံးမြို့ ဖြစ်သည်။

 

 

လွတ်လပ်ရေး

 

၁၉၄၈ ခုနှစ် ဖေဖော်ဝါရီလ ၄ ရက်တွင် ဗြိတိသျှထံမှ လွတ်လပ်ရေးရရှိခဲ့ပြီး ကိုယ်ပိုင်အုပ်ချုပ်သော (Self Rule) ဓနသဟာနိုင်ငံအများအဖွဲ့ဝင် (Commonwealth of Nations) ဒိုမိနိယမ် (Dominion) အဖြစ် တည်ရှိခဲ့ကာ ၁၉၇၂ ခုနှစ် မေလ ၂၂ ရက်တွင် ရီပါဘလစ် (Republic) သမ္မတနိုင်ငံဖြစ်လာခဲ့သည်။

 

နိုင်ငံတော် ရုံးသုံး ဘာသာစကားများမှာ စင်ဟာလာ (Sinhala) နှင့် တမီလ် (Tamil) ၂ မျိုး ဖြစ်သည်။

 

ယဉ်ကျေးမှု

 

နှစ်ပေါင်း ၃၀၀၀ ကျော် ယဉ်ကျေးမှုသမိုင်းရှိသော သီရိလင်္ကာနိုင်ငံသည် ‘အိန္ဓိယသမုဒ္ဒယာ၏ ပုလဲ’ (The Pearl of the Indian Ocean) ဟု ကျော်ကြားထင်ရှားပြီး ကမ္ဘာ့အမြန်ဆုံး စီးပွါးရေး တိုးတက်နေသော နိုင်ငံများ (the fastest growing economies) အနက် တစ်ခု အပါအဝင် ဖြစ်သည်။

 

ဘာသာတရားများ

 

အကြမ်းအားဖြင့် ဗုဒ္ဓဘာသာဝင် ၆၀ ရာခိုင်နှုန်းကျော်၊ ဟိန္ဒူဘာသာဝင် ၁၅ ရာခိုင်နှုန်းခန့်၊ အစ္စလာမ်ဘာသာဝင် ၁၀ ရာခိုင်နှုန်းခန့်နှင့် ခရစ်ယာန်ဘာသာဝင် ၁၀ ရာခိုင်နှုန်းခန့် အသီးသီးရှိသည်။

 

အစ္စလာမ်ဘာသာမှာ ၇ ရာစုတွင် အာရပ်ကုန်သည်များမှတဆင့် စတင်ရောက်ရှိစဉ်ခဲ့ပြီး အာရပ်အနွယ်များဖြစ်သော မူအာလူမျိုးများ၊ မလေးလူနည်းစုများမှာ မွတ်စလင်များဖြစ်ကြပြီး တမီလ်မွတ်စလင် (မြန်မာအခေါ် ကျိုလီယာ) အမြောက်အများလည်းရှိသည်။ ဗလီဝတ်ကျောင်းတော် အရေအတွက် ၅၀၀၀ ခန့် ရှိသည်။

 

ကိုလံဘိုမြို့ရှိ ထင်ရှားသော ဂျမီအုလ်အလ်ဖာ အနီရောင် ဗလီဝတ်ကျောင်းတော်

 

၁၆ ရာစုတွင် ခရစ်ယာန် ပေါ်တူကီများ ရောက်ရှိလာပြီး အာရပ်နွယ်ဝင် မူအာမွတ်စလင်များမှာ ဖိနှိပ်ကွပ်မျက်ခံရသဖြင့် အမြောက်အများ ရွှေ့ပြောင်းသွားရသည်လည်း ရှိခဲ့သည်။

 

 

လင်းယုန်နက် (ခြင်္သေ့မြို့တော်)

Leave a Reply

Your email address will not be published.