ငြိမ်းချမ်းရေး စစ်တမ်း (၁၉) – မငြိမ်းချမ်းနိုင်တဲ့ ငြိမ်းချမ်းရေးညီလာခံ (အပိုင်း – ၄)

U Aung Htoo

.

NLD သမတ ၏ နောက်မှာ ကာချုပ်က သေနတ်နှင့်ထောက်ထားမည်။ သမတ၏ အာဏာကို ၂၀၀၈ ဖွဲ့ စည်းပုံနှင့် ကန့် သတ်ထားခံရပြီးလည်းဖြစ်သည်။ ထို့ အပြင် ယခုတဖန် လွှတ်တော်ရော NLD အစိုးရကိုပါ ပြည်ထောင်စု သဘောတူစာချုပ်က ထပ်မံ၍ထိန်းချုပ်ထားခံလိုက်ရသည့် အခြေအနေသို့ ရောက်သွားပါမည်။

.

သို့ဖြစ်ပါက NLD ဦးဆောင်သည့် လွှတ်တော်နှင့် အစိုးရသည် လူထုအတွင်း သာမန် အုပ်ချုပ်ရေးကိစ္စများ
လည်ပတ်စေရန် ဥပဒေပြဌာန်းခြင်း၊ အုပ်ချုပ်ခြင်း တို့ လုပ်ရုံသာရှိသည်။ တကယ်တန်းအားဖြင့် ဒီမိုကရက်တစ် ဖက်ဒရယ်ပြည်ထောင်စု နိုင်ငံပေါ်ပေါက်စေရန် အုတ်မြစ်ချနိုင်မည့် ဥပဒေသစ်များ ပြဌာန်းခြင်း၊ တည်ဆဲ မတရား
ဖိနှိပ်သည့် ဥပဒေဟောင်းများအား ဖျက်သိမ်းခြင်းတို့ ကို လုပ်ဆောင်နိုင်ဘွယ်မရှိတော့ပါ။

.

တခြမ်းပဲ့ NCA တွင် သက်သေအဖြစ်လက်မှတ်မထိုးဘဲ ဒေါ်အောင်ဆန်းစုကြည်သည် မှန်ကန်စွာ ရပ်တည်
ခဲ့သည်။ “ဒါက ဆီပူအိုးဘဲ ဒီ အထဲကို မဆင်းကြနဲ့ ” ဟူ၍ ထောက်ပြခဲ့ရာလည်းရောက်ခဲ့သည်။ သို့ ရာတွင် ယင်းမှာ ၂၀၁၅ ခုနှစ် အောက်တိုဘာလ ၁၅ ရက်နေ့ က ဖြစ်ခဲ့သည်။ ရွေးကောက်ပွဲ မကျင်းပရသေးပါ။ ရွေးကောက်ပွဲရလာဒ်
များထွက်ပေါ်လာပြီးဖြစ်သည့် ဒီဇင်္ဘာလ ၁၅ ရက်နေ့ တွင်မူ သူမ၏ရပ်တည်ချက် ပြောင်းသွားခြင်းလား။ တခြမ်းပဲ့  NCA အပေါ်တွင် အခြေခံပြီးရေးဆွဲထားသည့် နိုင်ငံရေးမူဘောင်ကို လက်ခံ အတည်ပြုပေးလိုက်မည်ဆိုလျှင် ဆီပူအိုး
ကို လက်ညှိုးထိုး၍ ငြင်းဆိုခဲ့သည့် သူမကိုယ်တိုင်ကပင် မီးပုံထဲသို့ ခုန်ချပြလိုက်ရာ ရောက်သွားပါမည်။ ဒေါ်အောင်
ဆန်းစုကြည်အနေဖြင့် ဤအခြေအနေကို အမြန်ဆုံးပြန်လည်လေ့လာပြီး တည့်မတ်သွားနိုင်လိမ့်မည် မြှော်လင့်သည်။

.

၂၀၀၈ ဖွဲ့ စည်းပုံအောက်တွင် ကြံ့ဖွံ့ မဟုတ်သည့် အခြားမည်သည့်ပါတီမှဖြစ်စေ အရပ်သားတဦးက သမတ
အနေဖြင့် ခေါင်းဆောင်ကာ အစိုးရဖွဲ့ စည်းမည်ဆိုပါက ခြေနှစ်ဘက်သာရှိပြီး လက်နှစ်ဘက်မရှိသည့် အစိုးရလိုဖြစ်နေ
သည်။ ညာလက်ရုံးသဖွယ်အားထား၇မည့် ကာကွယ်ရေးဝန်ကြီးအား သမတက ခန့် ထားခွင့်မရှိ။ သို့ ဖြစ်၍ ကာကွယ်
ရေးဝန်ကြီး၏ ကြီးကြပ်မှုအောက်တွင် တာဝန်ထမ်းဆောင်ရမည့်ကာချုပ်မှတဆင့် တပ်မတော်အား သမတ အာဏာ
စက်ဖြင့် အမိန့် ပေး၍မရ။ ကာချုပ်ကို သမတ ကဖြုတ်ချခွင့်မရှိ။ ကာချုပ်က ပြန်ဖြုတ်ချမှာကိုပင် စိုးရိမ်နေရသည်။ ဤသည်မှာ အစိုးရတွင် ညာလက်ရုန်းကင်းမဲ့နေသည့် အနေအထားဖြစ်သည်။

.

ဘယ်ရုန်းလက်သဘွယ် အသုံးချရမည့် ပြည်ထဲရေးဝန်ကြီးအားလည်း သမတက ခန့် ထားခွင့်မရှိ။ သို့ ဖြစ်၍ ပြည်ထဲရေး ၀န်ကြီး၏ ကွပ်ကဲမှုအောက်တွင် ရှိနေသည့် အထွေထွေအုပ်ချုပ်ရေးဦးစီးဌာန နှင့် လုံခြုံရေးအဖွဲ့ အစည်း
များ ဖြစ်သော ရဲတပ်ဖွဲ့ ၊ အထူးစုံစမ်းစစ်ဆေးရေး အဖွဲ့ ၊ အမျိုးသားထောက်လှမ်းရေးဗျူရို အစရှိသည့်အဖွဲ့  အစည်းများ
အား သမတ၏ အာဏာသည် တိုက်ရိုက်သက်ရောက်မှုမရှိ။ ထို့ အပြင်ဘယ်လက်ရုန်း၏ အစိပ်အပိုင်းတခုသဘွယ် တိုင်းရင်းသား လက်နက်ကိုင်အဖွဲ့ အစည်းများနှင့် တိုက်ရိုက်ဆက်ဆန်ကာ ငြိမ်းချမ်းရေးကိစ္စများအား ထိတွေ့ ကိုင်
တွယ်ရမည့် နယ်စပ်ဒေသရေးရာ ၀န်ကြီးကလည်း သမတ ကို အမှုထားစရာမလို။ ဤသည်မှာ အစိုးရတွင် ဘယ်
လက်ရုန်းကင်းမဲ့နေသည့် အနေအထားဖြစ်သည်။

.

NLD သည် လူထုထောက်ခံမှုဖြင့်နိုင်ငံရေးရာဇပလ္လင်သို့ လှမ်းတက်သွားလိုက်နိုင်သော်လည်း ၄င်းက ဖွဲ့ စည်းမည့် အစိုးရသည် ယင်းအခြေအနေကို ရင်ဆိုင်နေရလျှက်ရှိသည်။ လက်နှစ်ဘက်မဲ့ သလို ဖြစ်နေသော NLD အစိုးရအဖွဲ့ အနေဖြင့် တိုင်းပြည်ကို တစုံတရာမျှဝေအုပ်ချုပ်ခွင့်ရနိုင်ရန် အာဏာယူထားဆဲ စစ်ခေါင်းဆောင်ဟောင်း
သစ်များနှင့် ညှိရပါတော့သည်။ ၄င်းတို့ မကြိုက်တာမလုပ်ရဲ၊၄င်းတို့ ချမှတ်ထားသည့် လမ်းကြောင်းနှင့် မသွေဖီရဲ၊ ၄င်းတို့ လုပ်ငန်းစဉ်များနှင့် မဆန့် ကျင်ရဲ၊ အမှားကြီးမှန်းသိပါလျှက်နှင့်ထုတ်ဖေါ်မပြောရဲ၊ မည်သည့်အပိုင်းကိုတော့ ၄င်းတို့ အစိုးရသစ်က တာဝန်ခံနိုင်မည်၊ မည်သည့်အပိုင်းကိုတော့တာဝန်မခံနိုင်ဟူ၍ပင် တိုင်းပြည်ကို မကြေငြာရဲဘဲ ပြစ်မှုကျူးလွန်ခဲ့မှုကြီးများ၊ အဂတိလိုက်စားခဲ့မှုကြီးများအပါအ၀င် အမှားဟူသမျှကိုပါ NLD က တာဝန်ယူဆက်ခံကာ ဆက်လက်ချီတက်ရတော့မည်ဆိုပါမူ တိုင်းပြည်အတွက် လွန်စွာရင်လေးဘွယ်ပင်။

.

ဤအတိုင်းဆိုပါက ကာချုပ်က ဦးဆောင်လျှက် အဆိုပါ ၀န်ကြီးဌာန သုံးခုနှင့် (အစိုးရ လက်နက်ကိုင်အဖွဲ့ 
အစည်းများဟု ဆိုသော်လည်း အစိုးမရနိုင်သည့်) လက်နက်ကိုင်အဖွဲ့ အစည်းများက ထင်သလို ကြမ်းကြရမ်းကြ၊
လူထုကို ဆက်လက်ဖိနှိပ်ကြမည့်ကျူးလွန်မှုများအား (လက်ပန်းတောင်းတောင် သာဓကမှာထက် ပိုမိုဆိုးရွားစွာ)
NLD အစိုး၇က လိုက်လံကာကွယ်ဖုံးဖိပေးရပါတော့မည်။ ယင်းသို့ ပြုခြင်းဖြင့် လူထုနှင့် ထိပ်တိုက်တွေ့ နိုင်သည့်  အနေအထားမျိုးကို NLD မလျှောက်လှမ်းသင့်ပါ။

.

ဒေါ်အောင်ဆန်းစုကြည်အနေဖြင့်ဖြစ်စေ၊ NLD အနေဖြင့်ဖြစ်စေ အာဏာလိုခြင်သည်ကို မည်သို့ မျှကန့် ကွက်
ရန်အကြောင်းမရှိ။ နိုင်ငံရေးပါတီထောင်ခြင်းမှာ အာဏာရလို၍သာထောင်ခြင်းဖြစ်သည်။ ဤသည်မှာ တရားဖြစ်သည်။ သို့ ၇ာတွင် ပြည်တွင်းစစ်မီးကို ငြိမ်းစေပြီး တိုင်းပြည်တွင်းရှိအခြေခံလူထုများ ဘ၀တိုးတက်မှုရှိအောင် အုပ်ချုပ်နိုင်စွမ်း
ရှိမည့်တကယ့်အာဏာကိုမူ ၂၀၀၈ ဖွဲ့ စည်းပုံအောက်၌ မရနိုင်၊ စစ်အာဏာရှင်စနစ်လည်ပတ်ရေးကိုသာ ပံ့ပိုးပေးရာ
ရောက်မည့် အာဏာအကျိုးအပဲ့ကိုမျှသာရနိုင်ပါမည်။ သို့ ဖြစ်၍ အာဏာလိုခြင်လျှင် တိုင်းပြည်အာဏာကို တကယ်
တန်းရအောင်ယူနိုင်သည့် လမ်းကြောင်းများကို ခင်းရန်လိုအပ်ပါမည်။ တဘက်တွင်လည်း NLD ရင်ဆိုင်နေရသည့် အခက်အခဲများကို နားလည်၍ ရနိုင်သည်။ သို့ ၇ာတွင် ပြည်တွင်းငြိမ်းချမ်းရေးနှင့် ဆက်စပ်ကာ တခြမ်းပဲ့ အပစ်ရပ်
စာချုပ်အပေါ် အခြေပြုပြီး လက်ရှိစစ်အစိုးရခင်းထားသော လမ်းကြောင်းအတိုင်း ဆက်လက်လျှောက်လှမ်းမည်
ဆိုလျှင်မူ စစ်မှန်သည့် အာဏာရမည်မဟုတ်။ ငြိမ်းချမ်းရေးနှင့်လည်း ဝေးပါမည်။

.

သို့ ဖြစ်၍ NLD သည် မိမိ၏ ငြိမ်းချမ်းရေးမဟာဗျူဟာကို ရှာဖွေတည်ဆောက်ရန်လိုအပ်လာပါတော့သည်။

.

ရွေးကောက်ပွဲမဲဆွယ်ခဲ့ရာ၌ ပြောင်းလဲချိန်တန်ပြီဟု NLD က ကြွေးကြော်ခဲ့သည်။ လူထုက NLD အား မဲပေး
ခဲ့ရာတွင်လည်း NLD က ဦးဆောင်ကာ ပြောင်းလဲပေးလိမ့်မည်ဟူသော မြှော်မှန်းချက်ဖြင့် ပေးခဲ့ခြင်းဖြစ်သည်။ ယခုမူ
လူတွေသာ ပြောင်းသွားတယ်၊ (ဥပဒေတွေ ပြောင်းရန်ဝေးလို့ ) မူတွေဘာမှ မပြောင်းပါလား ဟု သုံးသပ်လာကြမည်
ဆိုရင် NLD ၏ နိုင်ငံရေးဂုဏ်သိက္ခာကို ကြီးမားစွာ ထိခိုက်နိုင်ပါသည်။ အထူးသဖြင့် ပြည်တွင်းငြိမ်းချမ်းရေးကိစ္စတွင်
အရေးအကြီးဆုံးဖြစ်သည်။ လက်ရှိ စစ်အစိုးရချမှတ်ထားသည့် လမ်းကြောင်းအတိုင်းဆက်လျှောက်မည်ဆိုလျှင် NLD အစိုးရသည် စစ်အစိုးရသာ ဖြစ်ပါမည်။ ငြိမ်းချမ်းရေးညီလာခံသည် စစ်မီးလျှံမည့် ညီလာခံသာ ဖြစ်ပါမည်။ ဒီမိုကရက်
တစ်ဖက်ဒရယ်ပြည်ထောင်စုသည် နောက်ထပ်နှစ်တရာတိုင် ပေါ်လာနိုင်ဘွယ်မရှိပါ။ အဘယ်ကြောင့်နည်း။ ယခုကျင်း ပမည့် ငြိမ်းချမ်းရေးညီလာခံသည် ကျင်းပခဲ့ပြီးဖြစ်သည့် အမျိုးသားညီလာခံနှင့် ကွက်တိတူနေသည့်အပြင် ပိုဆိုးသော
နောက်ခံအခြေအနေများပေါ်ပေါက်နေသောကြောင့်ဖြစ်သည်။ ယင်းတို့ မှာ အဘယ်နည်း။

.
အောင်ထူး
(လူ့ အခွင့်အရေးရှေ့ နေ၊ ဥပဒေအထောက်အကူပြုကွန်ရက်တည်ထောင်သူ)
Website: legalaidnetwork.org
Email:legalaidnetwork@gmail.com
ဇန်န၀ါရီလ (၉) ရက် ၂၀၁၆ ခုနှစ်

 

Leave a Reply

Your email address will not be published.