ငြိမ်းချမ်းရေး စစ်တမ်း (၁၉) – မငြိမ်းချမ်းနိုင်တဲ့ ငြိမ်းချမ်းရေးညီလာခံ (အပိုင်း – ၃)

U Aung Htoo

.

NLD က နိုင်ငံရေးမဟာဗျူဟာ ဒုတိယ အမှားကို ထပ်မံကျူးလွန်ဦးတော့မှာလား။
“တနိုင်ငံလုံး အပစ်ရပ်စာချုပ် NCA တွင် တရားဝင်နိုင်ငံရေးပါတီ ကိုယ်စားလှယ်ပာူ၍သာ ရေးသားထားပြီး ရွေးကောက်ပွဲအနိုင်ရပါတီမှ ကိုယ်စားလှယ်များဟု ရေးသားထားခြင်းမရှိသည့်အတွက်” ဟူ၍ အကြောင်းပြကာ စစ်အစိုးရက NLD၏အခန်းကဏ္ဍကို သေးသိမ်စေလိုက်သည်။ နိုင်ငံရေးဆွေးနွေးမှုဆိုင်ရာ မူဘောင်တွင် ရွေးကောက်ပွဲ
၌ သဲသဲလှုပ်မျှ အနိုင်ရခဲ့သည့် NLD ကို (လွှတ်တော်အမတ်တနေရာမျှ အနိုင်မရခဲ့သည့် ) နိုင်ငံရေးပါတီအများစုကြီး နှင့် တန်းတူထားကာ ကိုယ်စားလှယ်တက်ရောက်ခွင့်ပြုသည်။ ဤသည်ကို အမျိုးသား ညီလာခံတုံးကကဲ့သို့ ပင် NLD က လက်ခံလိုက်ကြောင်းကြားသိရပြန်သည်။

.
လက်နက်ကိုင်ရှစ်ဖွဲ့ မျှနှင့်သာ လက်မှတ်ထိုးထားရုံမက စာချုပ်၏ ခေါင်းစဉ်နှင့် ဆန့် ကျင်ကာ တနိုင်ငံလုံး
အပစ်ရပ်ရန်ပင် တတ်နိုင်စွမ်းမရှိသော NCAအပေါ်အခြေခံထားသည့် နိုင်ငံရေးဆွေးနွေးမှုဆိုင်ရာ မူဘောင်ကို NLD က လွယ်လင့်တကူလက်ခံလိုက်မည်ဆိုပါက ကြီးမားသော နိုင်ငံရေး မဟာဗျူဟာ အမှားတခုကို ဒုတိယ အကြိမ် ထပ် မံ ကျူးလွန်ရာရောက်သွားနိုင်သည်။ အဘယ်ကြောင့်နည်း။ အပျက်သဘောဆောင်သည့်သက်ရောက်မှုမှာ ကြီးမားကျယ်
ပြန့် မည်ဖြစ်သောကြောင့်ပင်။

.
၂၀၁၅ ခုနှစ် အောက်တိုဘာလ ၁၅ ရက်နေ့ တွင် NCA ကို လက်မှတ်ရေးထိုး ရာ၌ သက်သေအဖြစ်ပါဝင်
စေရန် ဒေါ်အောင်ဆန်းစုကြည်အား ဖိတ်ခေါ်သောအခါ တိုင်းရင်းသားလက်နက်ကိုင်အဖွဲ့ အစည်းများအားလုံးမပါ
ဝင်သဖြင့် လက်မှတ်မထိုးနိုင်ကြောင်း၊ ရန်တိုက်ပေးသလို ဖြစ်နေမည်ကို စိုး၇ိမ်ကြောင်းဖြင့် ပြောကာ ငြင်းဆန်ခဲ့သည်။ ဤရပ်တည်ချက်အပေါ် ပြည်သူလူထုများ အထူးသဖြင့် ထိုစဉ်က NCA ကို လက်မှတ်မထိုးဘဲ စုစည်းရပ်ခံခဲ့ကြသည့် တိုင်းရင်းသားလက်နက်ကိုင်အဖွဲ့ အစည်းများက တန်ဘိုးထားခဲ့ကြသည်။ ယခုမူ ဒေါ်အောင်ဆန်းစုကြည် နှင့် NLD သည် ဤရပ်တည်ချက်ကို ၄င်းတို့ ကိုယ်တိုင် ချိုးဖေါက်ခဲ့ချေပြီလား။

.
NLD က ယင်းသို့ သောရပ်တည်လုပ်ဆောင်မည်ဆိုပါက NCAလက်မှတ်မထိုးဘဲ ကျန်နေသည့်တိုင်းရင်းသား
လက်နက်ကိုင်အဖွဲ့ အစည်းများအား ပစ်ပယ်လိုက်ရာကျပါမည်။ စစ်အစိုးရလုပ်နေသည့် NCA ကို အခြေခံမည့် အတု
အယောင်ဆွေးနွေးပွဲ လုပ်ငန်းစဉ်တခုလုံးအား အသိအမှတ်ပြုပေးလိုက်ရာလည်း ရောက်သွားပါမည်။ စစ်အစိုးရခင်း ထားသည့် NCA ၏ နောက်ဆက်တွဲ လုပ်ငန်းစဉ်များအတိုင်းသာ NLD က ဆက်လက်ဖေါ်ဆောင်မည့် အနေအထား
အားဖေါ်ပြလိုက်သလိုလည်းဖြစ်ပါမည်။ ယင်းမှာ မဟာဗျူဟာ အမှားဟု သုံးသပ်ရသည့် ပထမ အကြောင်း ဖြစ်သည်။

.
ဒုတိယအကြောင်းမှာ ရွေးကောက်ပွဲ အနိုင်ရသူများဖြင့် ဖွဲ့ စည်းထားသည့် လွှတ်တော်တွင် ဖွဲ့ စည်းပုံအခြေခံ
ဥပဒေကို ရေးဆွဲခွင့်၊ ပြင်ဆင်ခွင့် စသည့် လုပ်ပိုင်ခွင့်များ ရှိရမည် ဟူသော အချက်ကို NLD  ကိုယ်တိုင်က ငြင်းပယ် လိုက်ရာရောက်မည်ဖြစ်ခြင်းပင်။ ရွေးကောက်ပွဲအနိုင်ရ NLD ၏ တာဝန်သည် ဖွဲ့ စည်းပုံကို ကိစ္စကို တိုက်ရိုက်ကိုင်
တွယ်သွား၇န်သာ ဖြစ်သည်။ ၂၀၀၈ ဖွဲ့ စည်းပုံပြင်ရေးလမ်းကြောင်းကို လက်ခံထားသော NLD သည် မိမိတို့ အများစု
အသာစီးရထားသော လွှတ်တော်အတွင်းတွင် ဤဖွဲ့ စည်းပုံပြသနာကို ကိုင်တွယ်သွားသင့်သည်။ ယခုမူ ယင်းနှင့် ဆန့် ကျင်ကာ ပြည်သူလူထုက အခွင့်အာဏာအပ်နှင်းထားသော လွှတ်တော်အား ပြင်ပမှ အဖွဲ့ အစည်းတခုက ဖွဲ့ စည်းပုံကိစ္စကို အဓိက ဦးတည်လျှက် သံမဏိကြိုးကြီးတခုဖြင့် လှမ်းပြီးချုပ်နှောင်မှုကို NLD က လိုလိုလားလား
လက်ခံလိုက်ခြင်းမျိုး မဖြစ်သင့်ပါ။

.
တတိယ အကြောင်းမှာ လွှတ်တော်၊ အစိုးရ စသည်များ ဖွဲ့ စည်း လည်ပတ်ပြီးနောက်တွင် NLD ကိုယ်တိုင်
ကိုလည်း ထိခိုက်စေတော့မည် ဖြစ်သောကြောင့်ပင်။ ၂၀၁၅ ခုနှစ် ဒီဇင်္ဘာလ (၁၄၊ ၁၅) ရက်နေ့ များတွင် ကျင်းပခဲ့
သည့် တတိယအကြိမ် ငြိမ်းချမ်းရေး ဆွေးနွေးမှုပူးတွဲကော်မတီ (UPDJC) (NLD ပါဝင်တက်ရောက်သည့်) အစည်း
အဝေးမှ အတည်ပြုလိုက်သည် ဟု ဆိုသော နိုင်ငံရေးဆွေးနွေးမှုဆိုင်ရာ မူဘောင် အပုဒ် ၁၄  “အကောင်အထည်
ဖော်ခြင်း” ဟူသော ခေါင်းစဉ်အောက်တွင် အောက်ပါအတိုင်းဖေါ်ပြထားသည်။

.
၁၄ (၁)။ ပြည်ထောင်စု သဘောတူစာချုပ်တွင် ပါရှိသော သဘောတူညီချက်များနှင့် လိုက်လျောညီထွေ ရှိစေ ရန် ဥပဒေအသစ်များပြဌာန်းခြင်း၊ တည်ဆဲဥပဒေများကို ပြင်ဆင်ခြင်း၊ ပယ်ဖျက်ခြင်း တို့ ကို လွှတ်တော်၊ တပ်မတော် နှင့် အစိုးရ၀န်ကြီးဌာနများမှ မိမိတို့ သက်ဆိုင်ရာကဏ္ဍအလိုက် အကောင်အထည်ဖော်ဆောင်ရွက်သွားရမည်။

.
၁၄ (၂)။ နိုင်ငံတော်အစိုးရသည် ပြည်ထောင်စု သဘောတူစာချုပ်အား အကောင်အထည်ဖော် ဆောင်ရွက်
သွားရမည်။

.
အထက်ပါ အပိုဒ် နှစ်ခုအရဆိုလျှင် ပြည်ထောင်စု ငြိမ်းချမ်းရေးညီလာခံသည် ပေါ်ပေါက်လာမည့် လွှတ်တော်
နှင့် အစိုးရ ၏ အထက်တွင်ရှိနေသည်။ ငြိမ်းချမ်းရေးညီလာခံမှ မွေးဖွားပေါ်ထွက်လာမည့် ပြည်ထောင်စု သဘောတူ
စာချုပ်တွင် ပါရှိသော သဘောတူညီချက်များနှင့် ဆန့် ကျင်ကာ NLD ဦးဆောင်သည့် လွှတ်တော်သည် ဥပဒေအသစ်
များပြဌာန်းခွင့်မရှိ။ တည်ဆဲဥပဒေများကို ပြင်ဆင်၊ ပယ်ဖျက် ခွင့်မရှိ။ ဤသည်ကို  NLD က လက်ခံလိုက်မည်ဆိုပါက ဥပဒေကြောင်းအရ အဘယ်မျှ ရင်နာဘွယ်ကောင်းပါသနည်း။ NLD ဦးဆောင်သည့် လွှတ်တော်က ဒီမိုကရက်တစ် ဖက်ဒရယ်ဖွဲ့ စည်းပုံပေါ်ထွန်းရေးလမ်းကြောင်းကို ဦးတည်မည်ဆိုကြပါစို့ ။ ငြိမ်းချမ်းရေးညီလာခံကနေ ထွက်ပေါ်လာ
မည့် သဘောတူညီချက်များက ယင်းကိုပိတ်ထား (Block) လုပ်ထားလျှင် မည်သို့ ဖြစ်မည်နည်း။ လူထု၏ အခြေခံ
လွတ်လပ်ခွင့်များကို ထိခိုက်ပြဌာန်းထားသည့် ဥပဒေဟောင်းများအား လွှတ်တော်က ဖျက်သိမ်းခြင်း၊ ပြင်ဆင်ခြင်း ပြုလိုမည်ဆိုပါစို့ ။ ယင်းတို့ ကိုလည်း အလားတူ ပိတ်ထားလျှင် မည်သို့ လုပ်ကြ မည်နည်း။

.
အောင်ထူး
(လူ့ အခွင့်အရေးရှေ့ နေ၊ ဥပဒေအထောက်အကူပြုကွန်ရက်တည်ထောင်သူ)
Website: legalaidnetwork.org
Email:legalaidnetwork@gmail.com
ဇန်န၀ါရီလ (၉) ရက် ၂၀၁၆ ခုနှစ်

Leave a Reply

Your email address will not be published.