ဓာတ်ပုံမှတ်တမ်း – အီရန်နိုင်ငံရှိ ကြီးကျယ်ခမ်းနား ထည်ဝါလှပသော ဗလီဝတ်ကျောင်းတော် ဗိသုကာလက်ရာများ

amazing-iranian-mosque-3

ယဉ်ကျေးမှု အမွေအနှစ်များ ကြီးမားများပြားစွာ တည်ရှိရာ အီရန်နိုင်ငံ (Iran) ရှိ ခန့်ညားထည်ဝါလှသော ဗလီဝတ်ကျောင်းတော်များအား အီရန် ဓာတ်ပုံပညာရှင် မုဟမ္မဒ်ဂန်ဂျီ (Mohammad Reza Domiri Ganji) မှ စုစည်း ရိုက်ကူးထားသည်တို့အား CNN သတင်းဌာနမှ ဓာတ်ပုံမှတ်တမ်းအသွင် တင်ဆက် ဖော်ပြခဲ့သည်။

 

အီရန်နိုင်ငံမှာ အခြားနိုင်ငံများကဲ့သို့ နိုင်ငံခြားသား ခရီးသွား အများအပြား လာရောက်လေ့ မရှိသောကြောင့် နိုင်ငံတကာမှ အီရန်နိုင်ငံရှိ ဝတ်ကျောင်းတော်များ၏ အလှအား သိရှိခံစားနိုင်ရန် ရည်ရွယ်ရိုက်ကူးထားခြင်း ဖြစ်ကြောင်း မုဟမ္မဒ်ဂန်ဂျီက ဆိုသည်။

 

 

ဓာတ်ပုံပညာရှင် မုဟမ္မဒ်ဂန်ဂျီမှာ အသက် (၂၄)နှစ် အရွယ်သာ ရှိသေးပြီး ရူပဗေဒ ပညာရပ် သင်ကြားနေသူတစ်ဦးဖြစ်သည်။

 

 

မုဟမ္မဒ်ဂန်ဂျီ ဓာတ်ပုံဆိုင်ရာ အယူအဆ အတွေးအမြင်များအား နိုင်ငံတကာမှ ပညာရှင်များ ကိုယ်တိုင် ချီးမွမ်းကြသည်။

 

 

သူ့အနေဖြင့် မိမိနိုင်ငံရှိ ဝတ်ကျောင်းတော်များ၏ အနုပညာလက်ရာများအား ရိုက်ကူးတင်ဆက်ရန် စိတ်ကူးအား (၂၀၀၈) ခုနှစ်မှ စတင်ခဲ့ခြင်း ဖြစ်သည်ဟု ဆိုသည်။

 

 

ဓာတ်ပုံရိုက်ကူးစဉ် ကာလ၌ အချို့သော ဝတ်ကျောင်းတော်များအတွင်း ဓာတ်ပုံရိုက်ကူးရေး ပစ္စည်းအစုံအလင်အား သယ်ယူခွင့်အား ပိတ်ပင်ထားခြင်း၊ ဌာနဆိုင်ရာ ရုံးများမှ ခွင့်ပြုချက်များ ရယူရခြင်း အစရှိသော အခက်အခဲများ၊ စိန်ခေါ်မှုများအား ရင်ဆိုင်ခဲ့ရသည်ဟု ဆိုသည်။

 

 

ကိုးကား – CNN

Leave a Reply

Your email address will not be published.