အိန္ဒိယ-မွတ်စလင်သန်းကြွယ်သူဌေး ရက်ရောမှုအများဆုံးစာရင်း အဆင့် (၄) ချိတ်

Global Industry Outlook 3:  Azim H. Premji

အိန္ဒိယနိုင်ငံ (India) ဘန်ဂလောမြို့ (Bangalore) ရှိ ကွန်ပြူတာနည်းပညာ ဆော့ဖ်ဝဲကုမ္ပဏီ Wipro Limited ၏ ဥက္ကဌဖြစ်သူ အိန္ဒိယ-မွတ်စလင် သန်းကြွယ်သူဌေး အဇင်းမ် ပရာမ်ဂျီး (Azim Premji) မှာ လူသားအကျိုးပြု လုပ်ငန်းများအတွက် လှူဒါန်းမှုတွင် ကမ္ဘာ့အဆင့် (၄) နေရာ၌ ရပ်တည်နေကြောင်း စီးပွါးရေး သုတေသီအဖွဲ့ Wealth-X နှင့် Business Insider တို့ ပြုလုပ်သော စစ်တမ်းအရ သိရှိရသည်။

 

အဇင်းမ် ပရာမ်ဂျီးမှာ မိမိ၏ ပိုင်ဆိုင်မှုထဲမှ အမေရိကန်ဒေါ်လာ (၈) ဘီလီယံအား လူသားအကျိုးပြု ကူညီရေး လုပ်ငန်းများအတွက် လှူဒါန်းထားပြီး ဖြစ်သည်။ လှူဒါန်းမှု အများဆုံးအဖြစ် မိုက်ကရိုဆော့ဖ် (Microsoft) တည်ထောင်သူ ဘီလ်ဂိတ် (Bill Gates) က နံပတ် (၁) နေရာတွင် ဆက်လက်ရပ်တည်နေပြီး ဒုတိယနေရာတွင် ဝါရန်ဘူဖေး (Warren Buffett) နှင့် တတိယနေရာမှာ ဂျော့ဂ်ျဆိုရော့စ် (George Soros) ဖြစ်သည်။

 

ကမ္ဘာ့အရက်ရောဆုံး လှူဒါန်းသူများစာရင်း အဆင့် (၆) နေရာတွင် ဆော်ဒီအာရေဗျနိုင်ငံ (Saudi Arabia) အစ္စလာမ်မစ်ဘဏ် Al-Rajhi  သူဌေး ဆူလိုင်မာန် အဗ္ဗဒူလ်အဇီးဇ် (Sulaiman bin Abdul Aziz Al Rajhi) ဖြစ်သည်။ ဖေ့ဘွတ်တည်ထောင်သူ မာ့က် ဇူကာဘက် (Mark Zuckerberg) မှာ အဆင့် (၁၃) နေရာတွင် ရှိသည်။ အရက်ရောဆုံးစာရင်း (၁) မှ (၂၀) အတွင်းမှာ ကွန်ပြူတာ သန်းကြွယ်သူဌေးများနှင့် ဘဏ်လုပ်ငန်းရှင်၊ စီးပွါးရေးပညာရှင်များ အများစုဖြစ်သည်။

 

အဆင့် (၁) မှ (၂၀) အထိ လှူဒါန်းသူများ၏ လှူဒါန်းမှု ပမာဏမှာ ကန်ဒေါ်လာ (၁၀၆.၈) ဘီလီယံခန့် ရှိပြီး လူသားချင်း စာနာကူညီမှု၊ လူ့ဘောင် တိုးတက်ဖွံ့ဖြိုးရေး၊ လူ့အခွင့်အရေး ကိစ္စရပ်များနှင့် ပတ်ဝန်းကျင် ထိမ်းသိမ်းရေးတို့အတွက် လှူဒါန်းကြခြင်းဖြစ်ကြောင်း သိရှိရသည်။

 

ကိုးကား – DNAIndia

Leave a Reply

Your email address will not be published.